Ren Mat
07.12.2021
I denne spalta får du bli kjend med Sellanrå Gardskollektiv, og fylje årstidene saman med oss på vegen mot å bli sjølvberga. Me er fire utdanna øko-agronomar i tjueåra som alle brenn for eit beredyktig og rettferdig landbruk. Våren 2021 gjor me det som for mange blei med draumen, me flytta til eit nedlagt småbruk for å dyrke jorda i fellesskap.
SAMAN HAR ME ein visjon om at garden vår skal drivast økologisk og regenerativt, samstundes som me nyttar permakultur aktivt i drifta. Med spade og greip vil me skape ein stad som er oppbyggande for både folk og jord, nett fordi jordhelse og gode sosiale relasjonar går hand i hand. Målet er å bli so sjølvberga og autonome som mogleg, og det skal dykk få vera med på gjennom denne spalta.
Å FLYTTE til ei framand øy for å starte opp eit gardskollektiv er ikkje noko du berre vaknar opp og gjer ein dag. Vegen som førte oss hit har ikkje alltid vore sjølvsagt, men mykje var nok gjort då me alle bestemte oss for å studere økologisk landbruk. Me har saman med mange i vår generasjon kjent på makteslausheit, sinne, sorg og frykt i møte med klima- og naturkrisa. Ein kan bli brote ned av langt mindre. Heldigvis for oss har desse kjenslene blitt bensin på bålet for å gjere ein forskjell. For me har i all beskjedenheit trua på at me skal vere med på å endra måten me tenkjer jordbruk og levemåte på. På Sellanrå vil me dele kunnskap og inspirere til å ha det gøy med å tenkje utanfor boksen, og ikkje minst vil me at folk skal oppleve kor sjukt feitt det er å gjere ting sjølv! Me ønskjer å vise at ein kan leve rikare og friare liv med mindre forbruk. For i kvart eit spadetak er det politisk motmakt.
SELLANRÅ LIGG fint til mellom skog og hav i den litle grenda Arnavik. Med tanke på sjølvberging er me heldige med landskapet i kring oss. Med romsdalsfæringen ror me ut på fjorden og fiskar når vinden frå vest tek ei velfortent pause. Salting, speking, røyking og raking
Gå til medietÅ FLYTTE til ei framand øy for å starte opp eit gardskollektiv er ikkje noko du berre vaknar opp og gjer ein dag. Vegen som førte oss hit har ikkje alltid vore sjølvsagt, men mykje var nok gjort då me alle bestemte oss for å studere økologisk landbruk. Me har saman med mange i vår generasjon kjent på makteslausheit, sinne, sorg og frykt i møte med klima- og naturkrisa. Ein kan bli brote ned av langt mindre. Heldigvis for oss har desse kjenslene blitt bensin på bålet for å gjere ein forskjell. For me har i all beskjedenheit trua på at me skal vere med på å endra måten me tenkjer jordbruk og levemåte på. På Sellanrå vil me dele kunnskap og inspirere til å ha det gøy med å tenkje utanfor boksen, og ikkje minst vil me at folk skal oppleve kor sjukt feitt det er å gjere ting sjølv! Me ønskjer å vise at ein kan leve rikare og friare liv med mindre forbruk. For i kvart eit spadetak er det politisk motmakt.
SELLANRÅ LIGG fint til mellom skog og hav i den litle grenda Arnavik. Med tanke på sjølvberging er me heldige med landskapet i kring oss. Med romsdalsfæringen ror me ut på fjorden og fiskar når vinden frå vest tek ei velfortent pause. Salting, speking, røyking og raking
