Som eit godt normalår, konkluderer Sveinung Haaland, medan han unnar seg ein lunsjpause og legg innpå karbohydratrikt kneippbrød, som han skylar ned med iskald mjølk frå eigne kyr.
Bonden kikkar nøgd ut kjøkkenvindauga og konstaterer med sitt grasdyrkar-blikk at himmelen er blå, og at Jæren framleis synar seg frå si beste side.
SLO TREDJE JUNI- Jordbær, spør han.
- Dei er norske, forsikrar han rådgjevar i Norsk Landbruksrådgiving, Ingvild Luteberget Nesheim, som har kome innom til den travle bonden for ei lita oppsummering, saman med ein gjennomgang av strategien vidare.
Førsteslåtten 2016 hos Sveinung Haaland på garden Hårr på Vigrestad i Hå, er historie. Graset vart slått fredag 3. juni under gode vêrtilhøve. Eit døgn etter vart Avlingskamp-arealet på 8,3 dekar pressa og pakka, medan resten av førsteslåtten vart lagt i plansilo.
Vinteren var av den milde typen på Jæren, svært lite av den fleirårige enga har hatt problem med overvintringa. Sveinung dyrkar ei blanding med fleirårig raigras og timotei. År om anna kan raigraset få det tøft vinterstid, slik var det ikkje i år. Våren vart også etter hjarta til ein grasdyrkar, som gjennom 18 år som bonde har erfart at ikkje to år er like.
KJØLIG APRIL- April var ganske kjølig. Graset fekk ein forsiktig start og fekk buska seg skikkeleg, før det kom ein varmeperiode i mai då veksten skaut fart.
I husdyrporteføljen til Sveinung er det storfe, slaktegris og sau. Husdyrgjødsla vart spreidd midt i april med vanleg tankvogn utan nedfelling, 5,5 kubikkmeter per dekar. To veker seina
