Fagpressenytt

I sommar har til saman 15 studentar frå kurset Political Data Science Hackaton ved Den internasjonale sommarskulen på UiO vore i lokala til Statistisk sentralbyrå. Der har dei fått konkrete oppgåver frå både Statistisk sentralbyrå, Riksrevisjonen og Digitaliseringsdirektoratet som dei har måtta løysa i fellesskap med andre studentar. Og «Hackaton» har ingenting å gjera med hacking. Det handlar om problemløysing, studier av forskjellige tema i grupper og programmering.

Valde kurset sjølve

To av studentane frå UiO er Julie Sofie Pettersen som til dagleg går på honoursprogrammet i realfag og Magne R. Gunnarson som studerer samfunnsøkonomisk analyse. Uniforum møter dei i lokala til Statistisk sentralbyrå i Akersveien der dei har hatt tilhald i seks veker med sommarstudium saman med fleire av dei andre studentane.

- Me har sjølve valt å bruka sommaren på dette frie emnet, som me får inkludert i graden vår, seier Pettersen.

Og det var ting ho lærte der som ho aldri hadde vore bort i tidlegare.

- For meg var dette det første møtet med programmeringsspråket R, vedgår ho. - Det er eit programmeringsspråk som blir brukt i statistisk analyse, legg ho til.

Men Magne R. Gunnarson har jobba med det tidlegare.

- Det som var spennande med dette kurset var at me kvar dag lærte ein ny modell som me elles ville brukt ein tredjedel av kvart semester på å læra oss kvar av desse modella