Dei nødvendige nedjusteringane i det endelege universitetsbudsjettet skal handsamast i møtet i Universitetsstyret tysdag 6. desember. I innstillinga frå universitetsdirektør Arne Benjaminsen blir styret bede om å vedta eit forslag om fordeling av ein reduksjon på 86.2 millionar kroner i tildelinga til UiO forslaget til statsbudsjett for 2023 samanlikna med det antatte budsjettet som blei vedtatt i junimøtet.
Universitetsdirektøren ber også styret om å gi rektor fullmakt til å fordela den utrekna reduksjonen på 12,79 millionar kroner på grunn av innføring av studieavgift for studentar utanfor EØS og Sveits.
Når det gjeld dei auka energiutgiftene på 160 millionar kroner skal dei fordelast mellom einingane på grunnlag av kor stort areal dei disponerer. I tillegg skal Universitetsstyret ta stilling til den samla justerte rammefordelinga mellom einingane. Universitetsdirektøren ber dessutan styret gi rektor fullmakt til å gjera endringar med grunnlag i tildelingsbrevet Kunnskapsdepartementet sender over til Universitetet i Oslo og moglege andre mindre justeringar.
Mat.nat får redusert antatt budsjett med 49,29 millionar
I tabellen som ligg ved saksdokumenta går det fram at det er det største fakultetet på UiO, Det matematisk-naturvitskaplege fakultetet som får redusert det antatte budsjettet mest. I forslaget går det fram at det fakultetet kan få 49 millionar 296 tusen kroner mindre enn det som det låg an til å få med moglege justeringar etter at Universitetsstyret behandla det antatte budsjettet for 2023 i junimøtet. Det vil seia ein reduksjon på 4,1 prosent.
Etter den siste innstillinga vil Det humanistiske fakultetet få ein reduksjon på 18,2 millionar kroner samanlikna med det som det låg an til å få med grunnlag av det antatte tildelinga UiO-leiinga rekna med at universitetet ville få overført til 2
