I oktobermøtet i fjor sette Universitetsstyret av 46,276 millionar kroner i kompensasjon til musea og odontologi på grunn av bortfall av inntekter under koronapandemien. Summen skulle utgjera rundt 80 prosent av dei samla tapa. Universitetsdirektør Arne Benjaminsen ber no Universitetsstyret på møtet tysdag 7. desember om å auka den summen med 11,6 millionar, slik at desse tre einingane får ein samla kompensasjon på 57,9 millionar kroner. Grunnen til det er at oppdaterte tal frå 2. tertial viser at inntektstapa har vore større enn det som gjekk fram av den første prognosen. Odontologi får i tillegg ei ekstra tildeling på 3,77 millionar kroner knytt til uføresette kostnader på grunn av covid-19.
Brukar UiO bank/fordelingsbalanse
Utbetalingane til musea og odontologi skal skje ved å nytta 46, 276 millionar kroner som allereie er sett av til inndekning av tap av inntekter. Resten, 15,394 millionar kroner blir tatt frå potten som ber namnet UiO bank/fordelingsbalanse. Utan den ekstra tildelinga til odontologi hadde desse tre einingane rapportert om eit samla inntektstap på 72,5 millionar kroner for 2021. 80 prosent av dette blir altså