På ein teig hausta Harald Velde 17 tonn gras per hektar, på ein annan fire tonn. Ein stad var det 28 prosent tørrstoff som gjekk gjennom stryta på den splitter nye, sjølvgåande finsnittaren, på den neste var det 40 prosent.
Tidlegare har ikkje grasentreprenøren hatt all verdens informasjon å tilby bøndene om fôret han har hausta og lagt i siloen, utover eit gjennomsnitt som fortel avling per hektar og tørrstoffprosent. Nå kan han skrive ut detaljerte fargekart i fleire lag, som viser variasjonane i kvar enga kastar mest av seg. Avlingsregistreringa blir gjort med teknologien som Claas har kalla Quantimeter.
- Det er stor forskjell i vekt om tørrstoffprosenten er 28 eller 40, så ein skal ikkje la seg lure, seier Harald.
LØFTAR SEG TIL NYTT NIVÅDet er ikkje eit enormt mas frå kundar, eller stor konkurranse frå andre grasentreprenørar i om- rådet, som gjer at Tempo Gras har investert i ein splitter ny Claas Jaguar 850, og løftar kunnskap om avling og innsats opp til eit nytt nivå. Førebels har dei berre to kundar som har tatt i bruk Logmaster. Programmet er utvikla av det svenske firmaet Dataväxt, der Felleskjøpet Agri er deleigar, og det er gjennom eit prosjekt Felleskjøpet køyrer, at begge kundane til Tempo Gras har tatt i bruk systemet. Den eine kunden er Matskor Samdrift i Etne, der Øystein Matre er deltakar. Han er også medeigar i Tempo Gras, saman med brørne Harald og Asbjørn Velde.
-