Tidlegare i haust avgjorde UiO-leiinga at det endelege vedtaket om Strategi 2030 skal utsetjast frå 3. desember til februar neste år. Men strategien kjem likevel opp som ei diskusjonssak i seminardelen på møtet i universitetsstyret førstkomande tysdag. Som Uniforum tidlegare har skrive, skal den diskusjonen gå føre seg bak stengde dører. Det einaste som kan endra på det, er at styret sjølv bestemmer seg for likevel å opna dørene.
Høyringsfristen for innspel til utkastet for Strategi 2030 gjekk ut 1. november. Det kom inn over 60 innspel, går det fram av saksdokumenta. Ein gjennomgang som Uniforum har gjort viste at mange ville leggja større vekt på berekraft, klima og utdanning, medan andre ville at livsvitskap skulle få ein endå større plass i strategien. Andre ville at livsvitskap skulle få mindre plass eller gå heilt ut. Dessutan meiner fleire at strategiforslaget manglar eit godt motto, er for lite ambisiøst, samtidig som dei synest språket er for dårleg eller for inkjeseiande.
Internasjonalt leiande i utdanning
Eit anna forslag som går igjen, er at UiO bør forandra ambisjonen om at alle fagområda skal bli leiande i Europa på sitt felt, men heller bør endra det til at dei skal bli internasjonalt leiande og til at fleire av dei skal bli verdsleiande på sitt fagfelt. Fleire peikar også på at UiO no bør satsa på å bli internasjonalt leiande i utdanning, slik UiO til dels har blitt det i forsking i perioden til Strategi 2020.
Vil setja i verk tiltak for å redusera klimagassutsleppa
Møtet i universitetsstyret startar med ei anna diskusjonssak som det også er stor interesse for. Den handlar om klimagassutsleppa til UiO og om kva tiltak UiO planlegg å setja i verk for å få redusert klimagassavtrykket sitt. Etter planen skal den endelege handlingsplanen for å redusera klimagassavtrykket til UiO vedtakast av universitetsstyret på møtet i juni.
I det utkastet til tiltaksplan for klimagassreduksjon som no er klart, finst det fleire konkrete forslag til kva som må til. Innanfor bygg og eigedom og e