Rotevatn blei omplassert mot si vilje i byrjinga frå 12.august, etter det som skal vere person- og arbeidsmiljøkonflikter på Avdeling for mediefag. Torsdag 12.september var første gong det nye styret ved høgskulen møttest fysisk.
Eg trur at dersom ein set energien inn på å gjera ein god jobb, kjem arbeidsmiljøet etter kvart. Odd Ragnar Hunnes Konstituert dekan, Avdeling for mediefag, Høgskulen i Volda
Pensjonert dosent Odd Ragnar Hunnes, er konstituert som dekan i staden for Rotevatn, og han orienterte styret om oppfølginga av Arbeids- og arbeid (Ark) mens Rotevatn høyrde på. Han vedgjekk at det framleis var konfliktar ved avdelinga.
Fokus på oppgåver, ikkje arbeidsmiljø
Det er to månader sidan Gregoriusdotter Rotevatn første gong blei informert om at leiinga ved Høgskulen i Volda ønskte at ho skulle slutte i dekanjobben, og det er ein månad sidan Hunnes blei konstituert i jobben hennar.
På møtet torsdag kunne Hunnes fortelje at gruppa som skulle følgje opp arbeidsmiljøproblema ved avdelinga framleis ikkje har hatt sitt første møte.
- Vi er her for å gjere ein jobb, ikkje for å ha eit godt arbeidsmiljø, sa Hunnes og bad om å ikkje bli misforstått på det.
- Vi fokuserer på arbeidsoppgåvene og gjennom det haustar vi gode frukter, sa han som også fortalde at han brukte mykje tid på å gå rundt og snakke med folk på avdelinga.
-Dersom ein set energien inn på å gjera ein god jobb, kjem arbeidsmiljøet etter kvart, meinte den konstituerte dekanen.
- Eg ser gode smil og glimt i auga. Men av og til er glimtet i auga ei tåre. Det er ei viktig påminning, sa han.
Framleis konfliktar
Konflikten på Avdeling for mediefag i Volda har vore mykje omtalt i ulike medium. Khrono var den første som i mai i år, skr