Ifølgje reglementet skal ein vitskapeleg tilsett i fast stilling undervisa 770 timar i året. Sunde har no 1500 timar i pluss. Dei vart nulla ut når han byrja i ny jobb.
Jobba tidleg eller seint
- Ordninga med undervisningsrekneskap er ei god ordning, som skaper fleksibilitet. Ein kan gå litt i minus eitt år, og jobba meir eit anna år, seier Sunde.
Men når han no byter arbeidsstad, misser han alle timane. Dette hindrar mobilitet, meiner han. Det er lett å verta verande der ein er, når ein veit at det ein har jobba opp berre vil forsvinna. På den andre sida er mobilitet ein av tinga dei som tildeler eksterne forskingsmidlar ser på, mellom anna det europeiske forskingsrådet. Dei vil helst ikkje gi forskingsmidlar til nokon som ikkje har vore tilsett ved meir enn ein institusjon.
Dersom eg hadde vore kona mi, hadde eg reist. Jørn Øyrehagen Sunde Jussprofessor
- Planen min var å forska meir dei neste åra, eg hadde gitt frå meg fagansvaret, seier Sunde.
- Ein skal driva med utmerkt forsking og utmerkt undervisning - og jobba 37,5 timar i veka, seier han - noko tørt.
Sunde var professor i god tid før ha
