Sander Kolnes har vore dreng på Rabben sidan han først kom til Austre Bokn som seksåring, rett etter tusenårsskiftet. Den gongen kom han fordi foreldra skulle byggje hytte på garden farmoren kom frå. Men i staden for å surre i vegen for hyttebyggjarane, fann Sander si store interesse i dyra og maskinene hos familien Solberg - dei som forpakta det tidlegare småbruket til oldefaren.
Sidan den gong kan ein nesten seie at gutungen frå Randaberg blei verande. Først kvar helg når mor og far reiste på hytta, og frå han blei 14 - 15 år fekk han lov til å reise åleine til Austre Bokn. Etter det var han dreng hos Helge Solberg, på nordsida av Boknafjorden, nesten kvar einaste helg og i alle feriar.
SLUTTA MED AMMEKYROmtrent fram til Helge Solberg overtok garden etter far sin, Gustav, i 2002, var det mjølk som var den viktige produksjonen på garden. Det kapittelet blei avslutta før Helge overtok. Arbeid på oljeplattform i Nordsjøen lét seg ikkje foreine med mjølking morgon og kveld. Kvota blei seld, og det blei satsa på ein kombinasjon av ammekyr og sau i nokre år.
- Me gjekk over til ammeku i den gamle båsfjøsen, men det var ganske tungvint når kalvane gjekk lause. Det måtte måkast fire til seks gonger om dagen. Etter fire - fem år bestemte eg meg for å slutte med ammekyr og auke på med sauer i staden. Far min var ikkje særleg fornøgd då, for han meinte det var å byggje ned garden, mens eg meinte det var for å spare oss begge. Heldigvis gjekk det s