STYRESAK: I morgon kjem UiO-leiinga si avgjerd om å stengja klinikken på Psykologisk institutt opp som ei vedtakssak i universitetsstyret. Styremedlemane blir bedne om å støtta avgjerda til UiO-leiinga. Biletet er frå allmøtet på Psykologisk institutt 17. oktober.
Foto: Ola Sæther
Tysdag for 13 dagar sidan stengde UiO-leiinga klinikken ved Psykologisk institutt på dagen. Samtidig fekk Kluge Advoktatfirma AS i oppdrag å skriva ein rapport om situasjonen og laga ei juridisk vurdering av saka. Den rapporten blei gjort offentleg og samtidig presentert på eit allmøte på Psykologisk institutt førre tysdag. I hovudsak støtta rapporten avgjerda om å stengja klinikken, men samtidig konkluderte den med at klinikken kunne opnast igjen når alle tiltaka dei hadde føreslått, var sette i verk.
Naudsynt med stenging
I morgon vil stenginga av klinikken bli tatt opp som ei eiga vedtakssak i universitetsstyret. Medlemane i universitetsstyret blir bedne om å stemma for eit framlegg der dei uttrykkjer at dei ser svært alvorleg på dei funna som er gjorde ved drifta av klinikken ved Psykologisk institutt. I framlegget går det også fram at styret støttar UiO-leiinga si avgjerd om å stengja klinikken mellombels. Det var heilt naudsynt, heiter det, samtidig med at det blei sett i gang tiltak for å ta vare på både pasientar og studentar. Der går det også fram at universitetsdirektøren skal få fullmakt til å halda fram forhandlingane med Lovisenberg Diakonale Sykehus AS for å finna fram til modellar for fram
