Det kom fram då Vitskapsakademiet i førre månad inviterte til eit heildagsseminar om mangfald og inkludering i akademia. Initiativet til seminaret kom frå professor og senterleiar Unn Røyneland ved Senter for fleirspråklegheit (MultiLing) og professor og senterleiar Andreas Føllesdal ved Senter for forsking på legitimiteten til internasjonale domstolar (PluriCourts).
I ein debatt om korleis situasjonen står til på Universitetet i Oslo når det gjeld mangfald og inkludering av vitskaplege tilsette med internasjonal eller utradisjonell bakgrunn eller med spesielle behov, deltok førstelektor i filosofi, Feroz Mehmood Shah ved Institutt for filosofi, idé- og kunsthistorie og klassiske språk (IFIKK), doktorstipendiat Laura Letourneau-Tremblay frå Senter for forsking på internasjonale domstolar (PluriCourts) og professor Jan Grue ved Institutt for sosiologi og samfunnsgeografi. Då kom det fram at dei hadde mange positive erfaringar, men dei hadde litt ulike oppfatningar av mentorordninga. Og nye pålegg frå staten som det ikkje fylgjer pengar med, gjer at gode intensjonar kan bli for ressurskrevjande.
- Eg har følt meg veldig einsam
Uniforum tok ein intervjurunde med dei tre paneldeltakarane i Akademiets hus etter at samtalen i plenum var avslutta.
AVGJERANDE: - Eg har mest erfaringar med personlege mentorar som har sett meg og plukka meg opp. Dei har eg hatt stor nytte av og dei har vore avgjerande, fortel førstelektor Feroz Mehmood Shah ved IFIKK. Her sit han saman med doktorstipendiat Laura Létourneau-Tremblay på Det juridiske fakultetet. (Foto:Martn Toft)
Feroz Mehmood Shah, førstelektor i filosofi ved Institutt for filosofi, idé- og kunsthistorie og klassiske språk (IFIKK) synest det er fleire ting som ein no veit meir om når det handlar om mangfald og inkludering på UiO.
- Det er veldig mange spørsmål som me etter kvart er i ferd med å få ein del kunnskap om. Det eine er korleis studentmassen vår ser ut. Om studentmassen blir spegla av tilsettemassen, men også o
