- Skal satsa på jødiske studiar
Dekan Anders Runesson er svært nøgd med at dei skal overta dette tilbodet.
- Me er svært glade for at me har fått dette til. Dette samsvarar med vår strategi 2030 der det står at me skal satsa på jødiske studiar. Frå før har me også ein god del om islam. Det er viktig at jødiske studiar får plass på ein moderne teologisk institusjon som TF er. Slik kom me i samtalar også inn på moglegheiten til å utdanna jødiske vegvisarar som ein del av eit utvida tilbod i jødiske studiar, fortel han i eit intervju med Uniforum på dekankontoret på Nedre Blindern. Der sit også Michael Gritzman styremedlem i Det mosaiske trussamfunnet og kursansvarleg Gunnar Haaland frå OsloMet, som no både er mellombels professor ved NLA Høgskulen og professor II ved Det teologiske fakultetet på UiO.
- Mangla ei fagleg satsing
Michael Gritzman er svært glad for at kurset no skal bli tilbydd på UiO.
- Me har vore svært nøgde med samarbeidet vårt med OsloMet, der me ut av ingenting klarte å få til eit slikt undervisningstilbod. No kom me til eit punkt der me fekk ei melding frå TF som ville ha ei meir fagleg satsing på jødiske studiar, noko som har mangla i Noreg fram til no. Samtidig kunne me vera ein aktiv samarbeidspartnar når det gjeld opplæringa i jødiske vegvisarar, seier Michael Gritzman.
Også kursleiar Gunnar Haaland synest det er fint at opplæringa av jødiske vegvisarar fylgjer med han over til professor II-stillinga ved Det teologiske fakultetet. På spørsmål om han blitt kjøpt opp av Det teologiske fakultetet for å kunne driva undervisning i jødedom og jødisk historie, humrar han.
- Du kan kanskje seia det slik. Kurset blir altså flytta, og eg blir med på flyttelasset. Men eg held fram som ansvarleg for jødiske studiar på OsloMet dette studieåret samtidig som eg utviklar TFs studietilbod, understrekar han.
Planen for jødiske vegvisarar er at to j�