LIKAR IKKJE: - Det er ganske brei semje om at det å ha forskingsfri og undervisningsplikt ikkje er noko som me likar så godt, seier minister for forsking og høgare utdanning, Iselin Nybø.
Foto: Ola Sæther
Iselin Nybø tar imot oss på eit middels stort og svært ryddig kontor hos Kunnskapsdepartementet i Kirkegata. På kleshengjaren heng eit supporterskjerf frå fotballklubben Viking, som avslører at ho kjem frå Randaberg, rett utanfor Stavanger. Ho er så fersk i statsrådstolen at ho framleis spør sjåføren for statsrådbilen kor mykje kjøreturen kostar.
Dette er Iselin Nybøs politiske CV:
Alder: 36 år
Bustadkommune: Bur på Storhaug i Stavanger med sambuaren sin.
Utdanning: Er utdanna jurist frå Universitetet i Bergen. Har jobba ved advokatkontor og arbeidt mest med skatterett
2018: Utnemnt til minister for forsking og høgare utdanning etter utvidinga av regjeringa Solberg
2013:-2017: Stortingsrepresentant frå Rogaland Venstre. Første nestleiar i Kyrkje-, utdannings- og forskingskomiteen
2007-2015.Bystyremedlem og formannskapsmedlem i Stavanger
2003-2007: Medlem av kommunestyret i Randaberg kommune
2012-2014: Medlem i sentralstyret i Venstre
2010: 2012: Leiar for Rogaland Venstre
(Kjelder: Venstre og Kunnskapsdepartementet)
- Det er ein liten overgang, seier Iselin Nybø og smiler.
Då regjeringsplattforma frå Jeløya var klar, var det framlegget om å prøva ut føretaksmodellen på universitet og høgskular, som vekte dei sterkaste reaksjonane i sektoren for forsking og høgare utdanning, som Venstrepolitikaren Iselin Nybø no er blitt statsråd for.
- Framlegget har fått litt blanda mottaking. Nokon er begeistra og tykkjer det vil styrkja deira økonomi. I dag ligg det rett under statsforvaltinga. Med føretaksmodellen ligg dei eit steg ut frå den politiske leiinga. Ein ting er autonomien, medan ein annan ting er dagens situasjon der dei heile tida må venta på løyvingar, medan dei elles ville hatt meir økonomisk fridom. Nokon seier at dette er bra, medan andre, såg eg nyleg i Khrono, er sk