Khrono
25.06.2021
Det er frivillig å registrera hjartestartarar i det nasjonale registeret. Men no vil Universitetet i Bergen rydda opp, og finna ut kva hjartestartarar dei faktisk har.
Hjartestartarregisteret skal ha ei oversikt over kor det er plassert hjartestartarar - eit hjelpemiddel som kan bety skilnaden mellom liv og død. Men sjølv om registeret finst, er det ikkje slik at alle hjartestartarar verken på universitet og høgskular eller i samfunnet elles, er registrerte.
Les merIfølgje VG finst det 60 000 hjartestartarar i Noreg, men berre 6 000 av dei er registrerte. Tala kjem frå Helsedirektoratet.
Ikkje krav til det offentlege heller
Avdelingsdirektør Steinar Olsern i Helsedirektoratet skriv i ein e-post til Khrono at å skaffa seg og registrera hjartestartarar ikkje er regulert, og såleis frivillig.
- Det er eit uttalt mål at alle hjartestartarar skal verta registrerte i hjartestartarregisteret og at denne informasjonen skal verta regelmessig oppdatert slik at hjartestartarane vert synlege for AMK og for innbyggjarane gjennom appen Hjelp113, seier Olsern.
Siw Lilly Osmundsen leiar hjartestartarregisteret. Ho seier til Khrono at det truleg er mange hjartestartarar, òg på universitet og høgskular, som ikkje
