Foto: Ola Sæther I førre veke kom nyhendet om at Venezuelas president Nicolas Maduro og opposisjonen har møtt kvarandre i Den dominikanske republikken for å forhandla fram ein avtale som kan få slutt på dei alvorlege samanstøytane i landet. Initiativet blei tatt av Spanias tidlegare statsminister Jose Luis Zapatero. Sidan ei uoffisiell og ei offisiell folkerøysting om grunnlovsendringar blei haldne i sommar er over 113 personar drepne i konfrontasjonar mellom tilhengjarar og motstandarar av president Nicolas Maduro og regjeringa hans.
Edgardo Lander er sosiologiprofessor ved Universidad Central de Cáracas. Nyleg var han på besøk hos Senter for utvikling og miljø ved Universitetet i Oslo og deltok i fleire debattar om den politiske situasjonen i Venezuela. Han håpar at forhandlingane skal føra fram, men har lita tru på det.
- Altfor steile frontar
- Ærleg talt, så ser eg ikkje altfor optimistisk på utsiktene til at dei skal gi resultat. Det er altfor steile frontar på begge sider i denne konflikten, seier han til Uniforum. Etter hans meining finst det krefter på begge sider av konflikten, som ikkje ynsk
