Fagpressenytt

Onsdag 6. september kjem Universitetsstyret saman til det første møtet i haustsemesteret. To nye studentrepresentantar og ein ny representant for dei mellombels vitskaplege tilsette er komne til sidan det førre møtet i juni. Dei nye medlemane er postdoktor Isabel Viola Kreis, som i vår vann valet mot fem andre kandidatar, og dei to studentrepresentantane Solveig Martha Tynkkynen og Sivert Arntzen.

Denne gongen er handsaminga av vidareutviklinga og reorienteringa til Norsk senter for molekylærmedisin truleg den mest interessante saka. Den blir handsama bak stengde dører. Eit bilete av kva det vil handla om, får me kanskje gjennom senterdirektør Janna Saija Saarelas innlegg om status for senteret i den opne delen av møtet.

UiO:Livsvitskap legg fram forslag til strategi

Forskingssatsinga UiO:Livsvitskap skal også presentera status for satsinga, før det skal presenterast ein plan for ein framtidig strategi for satsinga. I oppsummeringa av statusen til UiO:Livsvitskap går det fram at satsinga mellom anna har gitt støtte til oppretting av 20 konvergensmiljø. Mellom dei tinga som blir trekte fram er opprettinga av Senter for bioinformatikk, Senter for pandemi og én helse-forsking og arbeidet til The Lancet One Health Commission. De