Fagpressenytt

Hausten er ein rakkar, seier folk. Ein frekk fyr i høghalsa genser. Ein sånn type som fortel lange skrøner utan at nokon ler.
Hausten er ei DNT-årbok frå 1922, du finn ho på eit antikvariat, full av entusiasme.
Hausten er ein opera, seier folk. Du skjønar ikkje alle songane på scena framfor deg, men du forstår at det handlar om sterke kjensler.
Hausten er ein shorts, hausten er ei våt dunjakke. Hausten er eit par sandalar og eit par stegjarn. Hausten er eit poetisk ljos, eit telt som står like ved eit høgt fjell som vi kanskje skal opp på i morgon, kanskje ikkje, vi veit ikkje enno.
#deterdendraumen
Hausten er gul. Men når byrjar han? Formelt sett er sumaren over 31. august, står det på mobilskjermen min (eg må auke storleiken på skrifta). Hausten byrjar 1. september, står det. Men kan det stemme? Kan ein berre slå fast at det er slik? Er ikkje starten på hausten meir diffus, som ei skodde som kjem krypande inn i Stølsheimen?
Kvart år ber vi på eit overskot etter sumaren. Kvart år er ryggsekken litt lettare i septemb