Etter at han flytta frå plansiloen, valde Lauritz Haarr å investere i ei rundballepresse. Men med eit forbruk på 5-6 rundballar om dagen blei mjølkeprodusenten frå Vigrestad lei av både balletransport og plasthandtering.
- Det blir ein del plast av det, og han skal handterast, lagrast og sendast til gjenvinning. I tillegg blir det ein del transport, både etter pressing og til og frå rundballelagera i all slags vêr og på all slags føre, seier bonden, med fjøs eit steinkast frå jærhavet.
ALTERNATIV TIL PLANSILOAllereie for 2-3 år sidan byrja han å snakke med Ragnar Vikingstad, som då var i Keenan-systemet, om å pakke grovfôr i lange pølser. Dei hadde litt kontakt med Eurobagging i Tsjekkia, men det blei ikkje noko meir før fabrikken inviterte til besøk i vår. På turen var dei også på besøk hos ein tysk mjølkeprodusent, som har erfaring med maskinen og fôret.
- For dei som tenkjer på å byggje plansilo, er dette eit godt alternativ. Det er eit ferdig konsept, der ein opnar og lukkar pølsa med ein sort borrelås på plastduken. Det ein skal vere klar over, er at det krev eit godt underlag å leggje pølsa på. Sjølv har eg lagt han
