Fagpressenytt

BeReKRAFT Korleis kan fagforeiningar jobbe med berekraft? I førre nummer kom det fram at tillitsvalde ofte tykkjer mandatet for å ta opp berekraftsspørsmål lokalt er uklart. Samstundes løfta tidlegare nestleiar i Forskerforbundet, Kristian Mollestad, tanken om at det kanskje er på tide å bruke trepartssamarbeidet til å kjempe for andre gode enn høgast mogleg løn, som driv eit ikkje berekraftig forbruk.

Berekraftig idédugnad
- Eg meiner at Forskerforbundet treng ein idédugnad. For dette er jo komplekst, ulike interesser skal vegast mot kvarandre, seier Kjellrun Hiis Hauge.
Ho er professor i klimadanning og berekraft ved Høgskulen på Vestlandet (HVL), og har lokalt prøvd å lansere forslag til korleis forbundet kan jobbe med berekraft. Forslaga inkluderer til dømes:

• Skape kultur for å unngå eindagsmøte og for å reise mindre, langsamare og meir berekraftig • Påverke sektoren til å investere i skikkeleg utstyr til digitale konferansar • Kjempe for at småbarnsforeldre får høve til å jobbe sekstimarsdag med full løn • Kjempe for andre gode som ikkje aukar kjøpekrafta, som fleire velferdsdagar for å utføre omsorgsoppgåver - Forslaga vart til som ein reaksjon på at vi stadig blir minna om å finne gode argument for at vi fortener høgare løn. Men vil vi eigentleg auke kjøpekrafta når vi ligg aller høgast i privat forbruk? Fagforeiningar har vore viktige for å kjempe for arbeidsstokkens gode og for rettferd, men kanskje vi kan tenkje på an