Fagpressenytt

Med innføringa av genomisk seleksjon verda over blir stadig fleire dyr genotypa. Hovudformålet med genotyping av dyr er å rekna genomiske avlsverdiar, men genotypane som blir samla inn kan også brukast til andre formål som å kontrollera slektskap eller kartlegga mutasjonar med stor effekt på viktige eigenskapar. I Buskap nummer 2 i 2018 skreiv me generelt om recessive mutasjonar med negativ effekt på fruktbarheit og her går me nærare inn på ein slik mutasjon kalt AH1. AH1 har gitt problem med fruktbarheit og kalvehelse i ayrshire-rasen i Nord-Amerika og Finland, og me har no gjort ei kartlegging av mutasjonen i NRF.

AH1 i Ayrshire i USA og Canada
Den første rapporten om AH1 var frå ayrshire-populasjonen i USA. Ein artikkel i Journal of Dairy Science i 2014 rapporterte om eit område på 300 000 basepar på kromosom 17 som inneheldt ein recessiv mutasjon med negativ effekt på fruktbarheit og kalla den Ayrshire Haplot