Fagpressenytt

Torger Nærland stikk rutinert venstre­armen inn i skjeda på kua, og gjer klart for å føre pistolen for kunstig inseminering gjennom livmorhalsen. Når AI-pistolen er inne ved uterus, blir oksesæden raskt deponert og inseminøren er ferdig med oppdraget.

Den brune NRF-kua ser ut til å ha akkurat passe med feitt over hoftepartiet. Inseminøren stadfestar at livmorhalsen, eller børa som ein helst seier på Jæren, er akkurat slik han helst vil ha ho. Ho er lett å komme til, lett å identifisere og ber alle teikna på at kua er brunstig.

- Når kua er feit, ligg det feitt og valkar inni kua, som gjer arbeidet med insemineringa vanskelegare. Det går jo oftast greitt å få tak i børhalsen, slik at me får inn AI-pistolen, men det kan bli veldig trongt. Me klarar det jo som regel, men det er meir jobb og ei større utfordring, seier inseminøren.

T