Siv Marit Rygg Fuglestrand og Jostein Fuglestrand overtok hennar heimgard i 2011. Ho er lærer og han er tømrar med jobb utanfor bruket. Da var det ikkje aktuelt med mjølkedyr av noko slag.
Dei to søkte Innovasjon Norge om stønad til å byggja om til sau, og fekk positivt svar om 300 000 kroner.
Jostein gjekk laus på ombygginga. Med god hjelp frå familie og vener reiv han ut den gamle innreiinga og sette inn nye imek-løysingar. Han gjorde det meste av ombygginga sjølve, og leigde inn folk berre til takarbeidet.
Han sparte mykje pengar på eigeninnsatsen, sjølv om han måtte skatta av eige arbeid.
I 2013 vart dei fyrste 50 sauene av rasen Norsk Kvit Sau kjøpt frå tre nabobruk, og denne våren er det 117 søyer som skal lamme.
- Vi har lagt vekt på å utnytta fjøsarealet best mogleg med tanke på antal dyr, og hadde god hjelp frå Norsk Landbruksrådgiving. På grunn av storbingeløysing med kraftfôrautomat og fri tilgong på mat, kan vi ha 120 vinterfôra istaden for 100. Kraftfôrautomatane betaler seg på om lag tre år på grunn av dette, seier han.
Enkelt å kombinera- Geitene sto på paller då dei vart mjølka. Eg reiv heile den gamle innreiinga og tømte og vaska gjødselkummen. Inn kom flatt plastgolv frå Fjøssystemer, kombinert med noko strekkmetallgulv vi hadde frå før. Vi brukte ein del pengar på i-mek, med rundballerivar, rullerande fôrbrett og to kraftfôrautomatar. Målet var å f�
