Når Hans Petter Graver har meldt seg på i kampen om bli ny rektor ved UiO, er han den andre som melder seg på. Frå før har Svein Stølen, prodekan ved Det matematisk-naturvitskaplege fakultetet, lansert seg som rektorkandidat.
- Dyktige folk
To gonger har Hans Petter Graver avvist overfor Uniforum at han vil stilla som rektorkandidat ved UiO. No har han altså kome på andre tankar. Han peikar på at ein viktig grunn er at han nyleg har funne fram til to dyktige personar som no dannar eit rektorteam saman med han.
- Eg må for eigen del seia at det som har fått meg til å forandra meining dei siste vekene ikkje minst er moglegheita til å kunna få arbeida saman med to så fantastisk dyktige folk, som begge inspirerer meg kraftig. Samtidig er eg påverka av den dystre utviklinga i verda det siste året, som gjer institusjonen vår og utviklinga av den endå viktigare, uttrykkjer han i ein epost til Uniforum.
Er blitt påverka i Vitskapsakademiet
Hans Petter Graver peikar også på kor viktig eitt år med leiarverv i Vitskapsakademiet har vore for han for å ta den endelege avgjerda om å stilla opp i rektorvalet ved UiO i 2017.
- Eg har også fått motivasjon fra eitt år i leiinga av Vitskapsakademiet, som har gjort meg medviten om fellesskapen i det vitskapelege prosjektet på tvers av universitetet sitt mangfald. Å oppleva krafta og gløden i dyktige forskarar frå alle fag i akademia gir energi til å søkja oppgåva som rektor, forklarar han.
Rektorkandidat Hans Petter Graver har saman med prorektorkandidat Inger Sandlie og viserektorkandidat Jan
