Tre produsentar skipa SMOK i 2007. Alle tre hadde driftsbygningar som var modne for mykje vedlikehald, og dette var anledninga til å byggje nytt fjøs. Dei er framleis tre deltakarar etter generasjonsskifte på ein av gardane. Kjartan Åsnes er dagleg leiar, og Ole Jakob Nedrebø og Hilde Åsnes er aktive på deltid. Dei har kvote på 430 tonn og ca. 45 årskyr.
- Vi hadde kvote på 260 tonn då vi starta, og kjøpte oss opp etter kvart. Men vi stoppa då prisen bikka ti kroner literen, seier Kjartan.
Vann med samarbeidDet var han som tok initiativ til eit møte med alle dei seks mjølkebøndene i bygda. Alle vart med på ein prat, sjølv om det var avgrensing på fem deltakarar i ei samdrift. Det var viktig at alle var med, men etter eit drygt år med planlegging enda vi opp med tre deltakarar.
- Bygda har felles reiskapslag, så dei var vane med å samarbeide. Men det er meir forpliktande i ei samdrift, seier Kjartan Åsnes.
- Det var fleire samdrifter tidlegare, delvis motivert av støtte. Vi ser det som ein fin måte å halde oppe drifta i eit bygdesamfunn, og til å produsere mat på areala, sjølv om færre har inntekter, seier han.
Det løyser også ferie- og fritidsproblem, meiner samdriftsbonden.
- Eg hadde ikkje vore bonde utan samdrifta. Ingen vil overta ein gard for å jobbe 350 dagar i året. Samdrift passar ikkje for alle, men det er verdt tanken å gå inn i ein prosess som vi gjorde.
Driv 14 brukTo av deltakarane driv grovfôrproduksjon, og lengjer jord av den tredje. Fôret sel dei til samdrifta. Storparten blir hausta med rundballepresse, men nokre skifte er så bratte at dei nyttar fôrha