Fjøsen til Harald Pedersen ligg nedanfor den gamle mjølkefjøsen på Skokland, som for 14 år sidan blei bygd om til sauehus. Som i eit lite dalsøkk ligg den nye ammekufjøsen. Han er plassert slik i terrenget at nordavinden og vestavinden skal få herje minst mogleg.
Då byggjerekneskapen var ferdig, viste tala at prisen for ein fjøs til 30 mordyr enda på vel 1 831 000 kroner, eller 61 000 kroner per mordyrplass. Det var godt innafor målet, som var å komme fram til ein fjøstype utan liggjebåsplassar eller bruk av talle, som kosta mellom 50 000 og 70 000 kroner per mordyr.
- Grunnarbeidet blei litt meir omfattande enn eg først hadde sett føre meg. Det blei brukt ein god del dynamitt, men så har eg fått laga ein stor og god plass rundt fjøsen i tillegg. Dei som har ei tomt der det ligg godt til rette, kan spare ein del pengar samanlikna med det eg har gjort, fortel han.
ENDRA REGELVERK VAR NØKKELENDen viktigaste årsaka til at Pedersen kunne redusere byggjekostnadene samanlikna med fjøs dei hadde på t
