- Har kome meg for øyret ganske nyleg
Sjølv om heile insektsamlinga på Tøyen har 1,45 millionar ulike insekt, nektar UiO å gi frå seg dei 100 000 utan sverdslag. For no har saka kome på rektor Svein Stølens bord.
- Ja dette er ei problemstilling som har kome meg for øyret ganske nyleg. Me fekk eit brev frå Kunnskapsdepartementet den 29, juni.. Før det har ikkje eg som rektor, vore involvert i dette, seier han til Uniforum.
Stølen peikar på at denne saka har ei historie heilt tilbake til 2004. Og både i 2004, 2008 og 2013 inngjekk UiO og Norsk institutt for bioøkonomi avtalar som har gjort det mogleg å ha insektsamlinga til NIBIO integrert i samlinga til Naturhistorisk museum på Tøyen. UiO-rektoren trekkjer fram at avtalane klargjer at Naturhistorisk museum har forvaltningsansvaret for samlingane, men at begge partar har full bruksrett og fri tilgang til samlingane.
- Så eigentleg vil begge partane ta vare på samlingane. Dei er ein viktig del av det biomangfaldet me vil ta vare på i Noreg. Det er ikkje minst viktig fordi me veit at koplinga mellom klima og biodiversitetskrisa trugar norsk landbruk og mattryggleik. Derfor er det viktig å ta vare på slike store samlingar etter museumsetiske regelverk og internasjonale standardar. slår han fast.
- Me ynskjer å finna ei løysing
Stølen understrekar også at dette handlar om open vitskap og at UiO har eit nasjonalt, langsiktig ansvar for å ta vare på samlinga og sikra objekt frå norsk biomangfald for ettertida.
- Dette er ei vanskeleg problemstilling, men me ynskjer gjerne å finna ei løysing på ein klok måte, slik at me kan ta vare på det som er viktigast, nemleg samlinga. Eg er overtydd om at det er mogleg å få dette til i samarbeid.