Supersikker datateneste ved UiO hjelper forskarar til å gjera nye funn

Uniforum 21.02.2019

Martin Toft

Supersikker datateneste ved UiO hjelper forskarar til å gjera nye funn

NMBU-forskaren Annette Alstadsæter avslørte formuer skjulte i skatteparadis. Det er eitt av fleire forskingsprosjekt som berre er mogleg å få til på grunn av tilbodet frå Tenester for senstiv data (TSD) ved Universitetet i Oslo.

Med personvern innebygd frå innsamlinga av data opnar det seg no fleire store moglegheiter for forskarar på alle fagområde gjennom bruk av tilboda frå Tenester for sensitiv data på UiO. Det er Gard Thomassen som er ansvarleg for utviklinga av Tenester for sensitive data ved Universitetets senter for informasjonsteknologi (USIT).

- Gratis for UiO-forskarar

Allereie no brukar 2997 forskarar på 530 forskjellige forskingsprosjekt denne datatenesta. Det er langt i overkant av det dei hadde tenkt seg, då dei starta opp prosjektet i 2012. Eitt av prosjekta går ut på å samla inn helsedata som skal samlast inn på ein mobilapp og smartklokker som 300 pasientar får delte ut i august.Målet er å hindra tilbakefall av kreft.

- Alt er gratis for forskarar på UiO. Dei kan kvar få ein terrabyte og ein datatenar hos oss. Utgiftene blir betalte av UiO sentralt. Men sjukehusa og helseregionane må betala ein fast takst på grunn av konkurransereglane, opplyser Gard Thomassen og Dagfinn Bergsager til Uniforum. Medan Dagfinn Bergsager er leiar for Gruppe for utvikling og forvaltning av webapplikasjonar, og lagar web og mobilapplikasjonar for innsamling av sensitive data på toppen av TSD, er Gard Thomassen underdirektør for IT i forsking og ansvarleg for heile TSD.

Personvern er bygd inn frå innsamlinga av data

Les mer