AddToAny

Kva alternativ har vi til det tradisjonelle publiseringssystemet?

Kva alternativ har vi til det tradisjonelle publiseringssystemet?
Leiar: Kor mykje har vi oppnådd når det offentlege må betale store summar i publiseringsavgifter til forlaga?
«Tidsskriftene er en slags igle som sitter på publiseringsstrukturen i et merkelig symbioseforhold. De koster penger å lese, det koster arbeid som fagfellevurderer, men samtidig er man avhengig av fagfellevurderings-stempelet.» Det seier professor i fysikk Are Raklev. Han er ein av hovudpersonane i ein stor artikkel om kva alternativ som finst til publisering i vitskaplege tidsskrift. Eitt av dei er den opne databasen Arxiv. Meir om dette seinare.

I det ideelle forskingssystemet er finansieringa på plass. Forskaren er omgjeven av innsiktsfulle fagfellar med overskot til raus kommentering av arbeidet. Forskinga er kvalitetssikra, forskingsmetodane gjennomsiktige og resultata fritt tilgjengelege. Korleis oppfylle alt dette på ein gong?

Are Raklev. Foto: Fartein Rudjord

Plan S er eit iherdig forsøk på å sikre at resultata av offentleg finansiert forsking vert fritt tilgjengelege. Frå i år må forskingsprosjekt som har fått støtte frå Forskingsrådet eller EU publisere ope. Tidsskriftforlag som Springer går gradvis over til ny forretningsmodell. I staden for å selje abonnement, tek dei seg betalt for publisering. Norske forskingsinstitusjonar inngår avtalar og betalar kollektivt for at forskarar skal få publisere. Men ordningane er ikkje berre vasstette eller velsmurde.

Problem 1: Flytting av bomstasjonen.

Kor mykje har vi oppnådd når det offentlege må betale store summar i publiseringsavgifter til forlaga? For eit par år sidan intervjua Forskerforum Heather Joseph frå USA. Ho er dagleg leiar i SPARC, som arbeider for open tilgang til forskingsresultat. Joseph oppsummerte eitt av open tilgang-problema slik: «Ideen om at ein no må betale for å få vere med og leike, gjer meg sterkt uroa for at alt vi eigentleg oppnår, er å flytte bomstasjonen frå sluttpunktet til startpunktet.»

Problem 2: For små kvotar.

I fjor haust kom det fram at til dømes Universitetet i Bergen hadde brukt opp kvotane for open publisering hjå tidsskriftforlag som Springer. Dersom ein forskar då skulle sikre at artikkelen som kom mot slutten av året vart fritt tilgjengeleg, måtte vedkommande skaffe midlar til å betale forlaget ekstra for dette.

Problem 3: Kor skal ein velje å publisere?

Plan S-regimet dreg i retning av nye publiseringskanalar, som tidsskrift med open tilgang og opne institusjonsarkiv. Korleis skal ein finne fram i jungelen av alternativ som ikkje møysommeleg har bygd seg opp ein seriøs aura? No kan forskarane trenge hjelp for å finne fram i jungelen. I førre nummer av Forskerforum uttalte Jan Erik Frantsvåg ved universitetsbiblioteket i Tromsø seg slik om bibliotekas rolle som rådgjevarar: «Sjølv om dei ofte kan rå frå tidsskrift som ikkje er Plan S-kompatible, kan dei ikkje nødvendigvis tilrå tidsskrift. Til det trengst fagleg spisskompetanse.»

Problem 4: Merittering.

Kva du har publisert og ikkje minst kor du har gjort det, har vore sjølve valutaen for klatrande forskarar. Norske forskingsinstitusjonar har signert Dora-erklæringa, som uttrykkjer at det er kvaliteten på forskinga, ikkje kanalen, som skal telje. Tradisjonen og teljekantsystemet dreg i motsett retning: Ærverdige tidsskrift på nivå 2 er best!

Problem 5: Fagfellevurdering er gratisarbeid.

Å vurdere arbeida til andre er eit kjerneprinsipp i det internasjonale forskarsamfunnet. Det er ein dugnad, men at det finst dugnadsgrense for overarbeidde forskarar, må under pandemien ha vorte meir openbert enn nokon gong.

Kva alternativ har vi til det tradisjonelle publiseringssystemet, som no altså er i ei viss drift grunna Plan S? No skal vi endeleg tilbake til fysikarane. Dei har ein sterk tradisjon for å dele førebelse artikkelversjonar med kvarandre og drive uformell fagfellevurdering. Dei har bygd opp den store, opne basen Arxiv, eller Arkivet som professor Are Raklev kallar det. Han seier at Arkivet er alt han treng: «Det er ingenting seriøst fra mitt fagfelt som ikke dukker opp der. Vi har hele infrastrukturen, vi trenger ikke tidsskriftene i fysikk.» Før eller seinare hamnar dei fleste manuskripta frå Arxiv i tidsskrift òg.

Vi skal ikkje gløyme at alle publiseringssystem treng finansiering. Fagfellevurdering - både dei formelle i tidsskrifta, og uformelle innspel, som i dømet Arxiv - skapar verdiar, og eg talar ikkje for at meir av den skal vere dugnadsbasert. Den sterke deltakinga frå brukarane som Raklev fortel om er det like fullt lett å sympatisere med. Eg trur eg vil kalle det ein ånd av ueigennyttig entusiasme. Finst det eit framtidig publiseringssystem som òg tek vare på slike kvalitetar?

Image-text:

Kor mykje har vi oppnådd når det offentlege må betale store summar i publiseringsavgifter til forlaga, spør redaktør Kjetil A. Brottveit. Foto: Fartein Rudjord.

Gå til mediet

Flere saker fra Forskerforum

- Vi får en kompetent statsråd som kjenner sektoren veldig godt, og som er klar til å sette i gang fra dag én. Og så er det gøy med en forsker som forskningsminister.
Forskerforum 26.02.2024
Instituttbestyreren var en trivelig kar i de gode gamle dager. En som støttet medarbeiderne når det trengtes, og fordelte det som var av midler, rettferdig og klokt. Som en trygg far i huset.
Forskerforum 26.02.2024
• er landets største og ledende fag- og interesseorganisasjon for ansatte i forskning, høyere utdanning og kunnskapsformidling.
Forskerforum 26.02.2024
Kor langt inn på norsk side strekk grensehandelen med Sverige seg? Butikkdata frå NorgesGruppen gjev nokre svar.
Forskerforum 26.02.2024
Forskerforbundet har over 280 store og små lokallag, og et av de mindre finner vi i administrasjonen på Stortinget. Der har Forskerforbundet manglet en egen tariffavtale. Men nå er avtalen i boks.
Forskerforum 26.02.2024

Nyhetsbrev

Lag ditt eget nyhetsbrev:

magazines-image

Mer om mediene i Fagpressen

advokatbladet agenda-316 allergi-i-praksis appell arbeidsmanden arkitektnytt arkitektur-n astmaallergi automatisering baker-og-konditor barnehageno batmagasinet bedre-skole bioingenioren bistandsaktuelt blikkenslageren bobilverden bok-og-bibliotek bondebladet buskap byggfakta dagligvarehandelen demens-alderspsykiatri den-norske-tannlegeforenings-tidende diabetes diabetesforum din-horsel energiteknikk fagbladet farmasiliv finansfokus fjell-og-vidde fontene fontene-forskning forskerforum forskningno forskningsetikk forste-steg fotterapeuten fri-tanke frifagbevegelse fysioterapeuten gravplassen handikapnytt helsefagarbeideren hk-nytt hold-pusten HRRnett hus-bolig i-skolen jakt-fiske journalisten juristkontakt khrono kilden-kjonnsforskningno kjokkenskriveren kjottbransjen kommunal-rapport Kontekst lo-aktuelt lo-finans lo-ingenior magasinet-for-fagorganiserte magma medier24 museumsnytt natur-miljo nbs-nytt nettverk nff-magasinet njf-magasinet nnn-arbeideren norsk-landbruk norsk-skogbruk ntl-magasinet optikeren parat parat-stat politiforum posthornet psykisk-helse religionerno ren-mat samferdsel seilmagasinet seniorpolitikkno sikkerhet skog skolelederen sykepleien synkron tannhelsesekreteren Tidsskrift for Norsk psykologforening traktor transit-magasin transportarbeideren uniforum universitetsavisa utdanning vare-veger vvs-aktuelt