Bondebladet
04.10.2022
Å endre landbruksutdanninga til eit lærlingløp, skaper fleire utfordringar enn løysingar. Vi forstår ikkje kor lærlingplassane skal kome frå eller finansierast. Og fryktar at vi tapar meir enn vi vinn.
Våre framtidige bønder treng både solid teoretisk kunnskap og allsidig praktisk erfaring. Dette meiner vi er godt vareteke med dagens agronomutdanning.
Les merEtter at forsøket med landbruksutdanning som lærlingordning blei avslutta i 2021, er spørsmålet kva vi gjer no. I evalueringa av forsøket er dei skulane som var med på forsøket strålande nøgde: Det var god rekruttering til faget, lite fråfall og ungdomane som gjennomførte står betre rusta til å gjennomføre praktiske oppgåver i jobbkvardagen. Og både teorisvake og -sterke elevar kunne få ein skulekvardag som passa deira behov.
For skulane og - iallfall nokre av - elevane høyrest dette sjølvsagt fint ut. Vi er likevel mest opptatt av landbruksnæringa sine behov og moglegheiter. Og vi kjem stadig tilbake til dette: Kor skal alle lærlingplassane finnast? Kven skal betale lærlingane? Kven skal organisere ei lærlingordning i landbruke
