«They can have Rogan or Young. Not both».
Neil Young ville ikkje lenger ha musikken sin på Spotify. Ikkje så lenge podkastaren Joe Rogan var i same hus. Ikkje så lenge dei heldt fram med å pumpe ut desinformasjon og konspirasjonar.
Joe Rogan? Spotify? Neil Young? What's going on?
Neil Young har forklart at han blei inspirert av 270 medisinske forskarar, legar og sjukepleiarar som nyleg signerte eit opprop mot Spotify. Dei meiner Spotify er blitt ein av verdas største formidlarar av falsk og skadeleg informasjon. Det var intervjuet med den diskrediterte forskaren og virologen Robert Malone, kjent for sin konspiratoriske formidlingskunst og motstand mot covidvaksiner som fekk begeret til å flyte over for forskarane bak oppropet.
Malone skal mellom anna ha samanlikna covidrestriksjonar med nazistanes konsentrasjonsleirar.
Joe Rogan? Det var han som gjorde intervjuet.
Rogan er verdas største podkastar, mellom anna kjent for ufiltrerte intervju med høgst kontroversielle figurar. «The Joe Rogan Experience», som har gått sidan 2003, er i dag Spotifys største, og verdas største, podkast, med 11 millionar faste lyttarar.
Ifølgje den svenske avisa Dagens Nyheter har tilsette i Spotify protestert mot å ha Rogan på laget, men til inga nytte. Podkastaren signerte i 2020 ein avtale som sikra Rogan 100 millionar dollar, cirka 900 millionar kroner. Og altså, Spotify mange millionar fleire lyttarar. Dagen etter avtalen blei kjent gjekk aksjekursen til Spotify opp 7 prosent.
Neil Young? Denne veka begynte musikken hans å forsvinne frå straumetenesta.
Spotify valde Rogan.
- Diffuse grenser
- Podkastane har gått lit