Veksttorget 2020 er et samarbeid mellom Norsk Landbruksrådgiving (NLR) og Bondebladet. Hver uke rapporterer NLR-rådgivere om vær og vekst landet rundt i Bondebladet og på nlr.no.
Rogaland og Agder: HaustetidSeptember starta våt og sur på våre kantar, men Yr lovar nokre fine dagar no. Vi får bruka dagane godt. Det står framleis gras og korn som enda ikkje er hausta. Innhaustinga av potet er i full gang og lagringsgulerota skal opp no. Dei fleste andre grønsaker på Jæren treng framleis nokre veker med gode vekseforhold. I Agder har avlingane av glutenfri havre dette året gitt 50 prosent høgare avlingar enn venta.
Det meste av sau er samla inn frå hei og fjell. Saueeigarane flest er såre nøgde med lammevektene, som er betre enn på mange år. Frå Agder vert det opplyst at det enno er ein del sau som ikkje har trekt ned frå dei høgaste beita. Nordmenn har vore flinke til å kjøpe norsk kjøt i korona-tida og vi håpar dei framleis vil gjere det.
Grasavlingane har vore gode dette året. I Rogaland er det likevel nokre som er misnøgde med tredjeslåtten. Vi trur dette skuldast stor avling på første- og andreslått, våt september og litt lite gjødsel.
Denne veka skal underbuksene gravast opp, både på Agder og i Rogaland. Så får me sjå i kor stor grad jordstruktur og jordliv har gjort jobben sin.
Lars Kjetil Flesland, NLR Rogaland
